રિપોર્ટર: પાયલ બાંભણિયા,ઊના
ઉના શહેરમાં સીમ વિસ્તારમાં રહેતી ઉ.વ.૧૫ ની સગીરા સાથે મીત્રતા કેળવી તેની સાથે દુષ્કર્મ કરી ગર્ભવતી બનાવ્યાનો બનાવ તા.૪/૧૨ ના રોજ બનેલ પ્રકાશમાં આવ્યો હોય અને બાળકીને જન્મ પણ આપ્યો હતો. જેની પોલીસ ફરીયાદ ઉના પોલીસમાં નોંધાવી હતી ઉનાનાં પોલીસ ઈન્સ્પેકટર વિજયસિંહ ચૌધરી ત્થા સ્ટાફે તપાસ કરતા હતા અગાઉ એક આરોપીને પકડેલ હતો. જેના ડી.એન.એ ટેસ્ટ જન્મ લેનાર બાળકી સાથે મેચ કરાવતા મેચ થયા ન હતા તેથી બાળકીનો પિતા કોણ ખરા આરોપી કોણ તે જટીલ પ્રશ્નને પોલીસે સઘન તપાસ કરી ઉના શહેરમાં સીમ વિસ્તાર ભીમપરામાં ટીકરીયા ખારા વિસ્તારમાં રહેતો કાનજી ઉર્ફે કાનો રણછોડ બાંભણીયાને પોલીસ અટક કરી ડી.એન.એ ટેસ્ટ કરાવતા તેનો પોઝિટિવ રીપોર્ટ આવતા ઉના પોલીસે સગીરા ઉપર દુષ્કર્મ કરનાર અને સગીરાએ જન્મ આપેલ બાળકીનો પિતા કાનજી જ નીકળતા તેની આજરોજ ધરપકડ કરી વિશેષ પુછપરછ કરી રહી છે.
