રિપોર્ટર: અંકુર ઋષી,રાજપીપલા સાથે ગૌતમ વ્યાસ,કેવડિયા કોલોની
હાલ સમગ્ર રાજ્ય માં વરસાદી માહોલ હોય નર્મદા જિલ્લાના દેડીયાપાડા,સાગબારા તરફ વરસાદ પડતા દર વર્ષની જેમ આ વર્ષે પણ કેટલાય લોકોને કરંટ લાગવાની ઘટના બનશે જેમાં ગુરુવારે એક બાળકને કરંટ લાગતા તેનું મોત થયાનું સામે આવ્યું છે.
દેડીયાપાડા તાલુકાના પીપલાકંકાલા ગામ માં ફળિયામાં કેટલાક બાળકો રમતા હતા ત્યારે સોહમ ઈશ્વરભાઈ વસાવા(૬)નામનો બાળક મિત્રો સાથે રમતો હતો તે વખતે આંગણામાં આવેલ ઈલેક્ટ્રીક થાંભલાના તાણીયાના તાર ને રમતા રમતા હાથથી પકડી લેતા અને વરસાદ પડવાના કારણે તાણીયા ના તાર પર ઈલેક્ટ્રીક કરંટ ઉતરતો હોય આકસ્મીક રીતે કરંટ લાગતા તેને તાત્કાલિક ૧૦૮ મારફતે દેડીયાપાડા સરકારી દવાખાનામાં સારવાર માટે ખસેડાયો હતો પરંતુ ત્યાં પહોંચતા તે મૃત હોવાનું જાણવા મળતા પરિવારમાં શોક ની લાગણી ફેલાઈ હતી.ઘટના ની જાણ થતાં દેડીયાપાડા પોલીસે અ. મોત દાખલ કરી તપાસ હાથ ધરી છે.
