રિપોર્ટર: ગૌતમ વ્યાસ,કેવડિયા કોલોની
પોલીસના બતમીદાર પર હુમલો કરનારા એક મહિલા સહિત 5 વિરુદ્ધ આમલેથા પો.સ્ટે.માં ફરિયાદ
નર્મદા જિલ્લાના નાંદોદ તાલુકાના વાઘેથા ગામના એક યુવાનને પોલીસને દારૂ ની બાતમી આપી અમારે ત્યાં વારંવાર રેડ પડાવે છે તેમ કહી હુમલો કરનાર પાંચ વિરુદ્ધ ફરિયાદ થવા પામી છે.
પ્રાપ્ત માહિતી મુજબ વાઘેથા ગામના ચંદ્રકાંતભાઇ મનસુખભાઇ વસાવા એ આપેલી ફરિયાદ મુજબ એ પોતાના ખેતરે હતા ત્યારે ગામના પ્રિતેશ દાવનજીભાઇ વસાવા એ અચાનક આવી લાકડી વડે હુમલો કર્યો તેની સાથે બીજા લોકોમાં વિરલ બચુભાઇ વસાવા સુનિલ મહેંદ્રભાઇ વસાવા, રેખાબેન મહેંદ્રભાઇ વસાવા, ગીરીશ સોમાભાઇ વસાવાએ પણ ગાળો આપી કહ્યું તું પોલીસને દારૂ વેચવા અંગેની બાતમી આપે છે જેથી પોલીસ અમારા ઘરે તેમજ ગામમા અવારનવાર આવી રેડ કરે છે. અને હવે પછી જો અમારી બાતમી આપીશ તો જાનથી મારી નાખીશું. તેવી ધમકી આપી એકબીજાને મદદગારી કરી હતી. આમલેથા પોલીસે પાંચ વિરુદ્ધ ગુનો નોંધી તપાસ હાથ ધરી છે.
