એજન્સી દ્વારા આધાર અપડેટ કરવા માટે ચાર સિસ્ટમ મુકવામાં આવી છે, પરંતુ કનેક્ટિવિટી સ્લો હોવાથી દિવસ દરમ્યાન જે રીતે કામગીરી થઈ રહી છે, તે જોતા 13 હજાર જેટલા ગ્રાહકોના આધાર અપડેટ કરવા અસંભવ છે. લાઈનોમાં ઉભેલી કેટલીક વૃદ્ધ મહિલાઓ ત્રણ દિવસથી આવીએ છીએ, પરંતુ અમારું કામ નથી થતું. સાંજે પરત ફરીએ છીએ, સરકાર સમય વધારી આપે કાંતો એજન્સી ઘરે આવી અમારું આધાર અપડેટ કરે તેવી વ્યવસ્થા કરવામાં આવે તેવું જણાવી રહી છે.

કાલોલ તાલુકાના પ્રધાનમંત્રી ઉજવલા યોજનાના 13 હજારથી વધુ મહિલા લાભાર્થીઓ હાલ તેઓને ગેસના બાટલ ઉપર મળતી સબસીડી બચાવવા તેઓના દૈનિક કામો છોડી ગામડે ગામડેથી કાલોલ ખાતે આવેલી અને ઉજવલા યોજનાના લાભાર્થીઓના કનેકસનો ધરાવતી ઇન્ડેન ગેસની ધનંજય ગેસ એજન્સી બહાર સવારથી સાંજ સુધી લાઈનોમાં ઉભી રહે છે. આવતીકાલે છેલ્લો દિવસ આધાર અપડેટ કરાવવાનો હોવાથી આજે મોટી સંખ્યામાં મહિલાઓ લાઈનોમાં ઉભી જોવા મળી છે. સિનિયર સીટીઝન વૃદ્ધ મહિલાઓ પણ આખો દિવસ ખાધા પીધા વગર લાઈનોમાં ઉભી રહે છે. ત્યારે કાલોલ ગેસ એજન્સી દ્વારા મહિલાઓ માટે પાણી સહિતની સુવિધા કરવામાં આવે તે જરૂરી છે. લાભાર્થીઓ પણ કેવાયસીની તારીખ લંબાવી આપવામાં આવે તેવી માગ કરી રહી છે.