ગુજરાતમાં ચૂંટણી પહેલાં પોલીસબેડામાં મહત્ત્વની બદલીઓ આવવાની હતી, જે વિધાનસભા સત્ર પૂર્ણ થતાં આવી ગઈ છે. આ બદલીઓ હાલ ચૂંટણીને ઘ્યાનમાં રાખીને કરવામાં આવી હોય એમ જોવા મળી રહ્યું છે .આજે થયેલી બદલીઓમાં 57 IPSની બદલી, જ્યારે 20ની બઢતી થઈ છે. એમાં 9 DySP, જેઓ વેઈટિંગ ફોર પોસ્ટિંગ હતા તેમને બદલી કરીને પોસ્ટિંગ આપવામાં આવી છે. અમદાવાદમાં પણ બદલીઓ થઈ છે આ સાથે રાજ્યમાં કડક છબિ ધરાવતા નિર્લિપ્ત રાયને સ્ટેટ મોનિટરિંગ સેલમાં બદલી કરતા કેટલાક લોકોમાં ફફડાટ વ્યાપી ગયો છે.રાજ્યમાં બદલીઓ કરવામાં આવી છે તેમાં DYSPમાંથી પ્રમોશન મેળવી અને SPS બનેલા અધિકારીઓ જેમનું પોસ્ટીગ બાકી હતું તેમનું પણ આજે પોસ્ટિંગ કરી દેવામાં આવ્યું છે.
અમદાવાદના 6 ઝોનના ડીસીપીની બદલી થઈ છે. જેમાં ઝોન 1 ડીસીપી રવિન્દ્ર પટેલની ભાવનગર SP તરીકે બદલી થઇ છે. ઝોન 1 DCP તરીકે ડો.લવીના સિંહને મુકવામા આવ્યા છે. ઝોન 2 DCP વિજયકુમાર પટેલની બદલી પાટણ SP તરીકે કરવામાં આવી છે અને ઝોન 2 DCP તરીકે જયદીપસિંહ જાડેજાને મુકવામા આવ્યા છે. ઝોન 3 DCP તરીકે સુશીલ અગ્રવાલને મુકવામા આવ્યા છે. ઝોન 4 DCP રાજેશ ગઢિયાને ખેડા SP તરીકે મુકવામા આવ્યા છે. તેમની જગ્યાએ ઝોન 4 DCP તરીકે અમદાવાદ SOG ડીસીપી મુકેશ પટેલને મુકવામા આવ્યા છે. ઝોન 5 DCP અચલ ત્યાગીને મહેસાણા SP તરીકે મુકાયા છે અને ઝોન 5 DCP તરીકે બળદેવ દેસાઈને મુકવામા આવ્યા છે. ઝોન 7 DCP પ્રેમસુખ ડેલુને જામનગર SP તરીકે મુકાયા છે અને તેમની જગ્યાએ ભગીરથસિંહ જાડેજાને ઝોન 7 DCP તરીકે મુકવામા આવ્યા છે. ટ્રાફિક ડીસીપી તેજસ પટેલની સાબરમતી સેન્ટ્રલ જેલના એસપી તરીકે મુકવામા આવ્યા છે.
