રાષ્ટ્રપિતા મહાત્મા ગાંધીજીની 152 ની જન્મ જયંતી નિમિત્તે તેમજ દેશના વડાપ્રધાન નરેન્દ્રભાઈ મોદી ના તાજેતરના જન્મદિવસ નિમિત્તે ભારતીય જનતા પાર્ટી હિંમતનગર દ્વારા વિવિધ જનસેવા લક્ષી કાર્યક્રમોનું આયોજન કરવામાં આવ્યું..

રિપોર્ટર :શાહબુદ્દીન શિરોયા સાબરકાંઠા

આ કાર્યક્રમમાં ભારતીય જનતા પાર્ટી હિંમતનગરના ચિકિત્સા (ડોક્ટર) સેલ દ્વારા મફત નેત્રમણિ પ્રત્યારોપણ અને હરસ,મસા-ભગંદર ના નિદાન માટે મફત કેમ્પનું આયોજન કરવામાં આવ્યું. આ આયોજન ડોક્ટર સેલના સંયોજક સમીર શાહ અને સહસંયોજક સી.ડી.પટેલ દ્વારા કરવામાં આવ્યું..
જેમાં નેત્ર માટેના કુલ ૧૪૧ જેટલા લાભાર્થીઓએ નિદાન કરાવ્યું અને 38 જેવા હરસ,મસા-ભગંદર જેવી તકલીફ થી પિડીત વ્યક્તિઓએ નિદાન કરાવ્યું..
આ ઉપરાંત ભારતીય જનતા પાર્ટી યુવા મોરચા, હિંમતનગર દ્વારા બ્લડ ડોનેશન કેમ્પનું આયોજન પણ કરવામાં આવ્યું. જેમાં શહેર યુવા મોરચા પ્રમુખ ધ્રુવ શાહ તથા તેમની ટીમ દ્વારા કુલ 39 બોટલ બ્લડ એકત્રિત કરવામાં આવ્યું..
આ સમગ્ર કામગીરીનું સુવ્યવસ્થિત આયોજન હિંમતનગર શહેરના પ્રમુખ વાસુદેવભાઈ રાવલ, મહામંત્રી જયેશભાઈ પટેલ(કવિ) તથા બંટીભાઈ મહેતા દ્વારા કરવામાં આવ્યું..
જેમાં સાબરકાંઠા જિલ્લા ભાજપ પ્રમુખ જે.ડી.પટેલ, પ્રદેશ ઉપાધ્યક્ષ કું.કૌશલ્ય કુંવરબા, ધારાસભ્ય રાજેન્દ્રસિંહ ચાવડા, જીલ્લા મહામંત્રી વિજયભાઈ પંડ્યા, નીલાબેન પટેલ, રાહુલભાઈ પટેલ, નગરપાલિકા પ્રમુખ યતીનબેન મોદી,સાવનભાઈ દેસાઈ,સવજીભાઈ ભાટી, તેમજ નગરપાલિકાના અન્ય સૌ સદસ્યો અને સૌ કાર્યકર્તાઓ મોટી સંખ્યામાં હાજર રહી કાર્યક્રમને સફળ બનાવ્યો હતો .