બ્યુરોચીફ: અંકુર ઋષી,રાજપીપળા
ગરુડેશ્વર તાલુકાના ઉંડવા ગામથી સવારે શાકભાજી લઈ રાજપીપળા માર્કેટ માં આવતો છકડો ટ્રક માં ઘૂસી જતા ૩ ઇજાગ્રસ્તો સિવિલમાં સારવાર અર્થે ખસેડાયા હતા. ગરુડેશ્વર તાલુકાના ઉંડવા ગામ થી એક છકડો શાકભાજી લઈ રાજપીપળા શાક માર્કેટમાં વેચવા આવતો હોય જે સાવરે ૬ વાગે રાજપીપળા કલેક્ટર કચેરી પાસે ઊભેલી ટ્રકમાં આ છકડો પાછળ ઘૂસી જતા અંદર બેઠેલા છકડાના ચાલક પ્રેમાભાઈ વિક્રમભાઈ તડવી અને પાછળ બેઠેલા જગદીશ ભાઈ મથુરભાઈ તડવી તેમજ એક વૃદ્ધ મહિલા પાર્વતીબેન રમણભાઈ તડવીને ઇજાઓ થતા ત્રણેયને તાત્કાલિક રાજપીપળા સિવિલ હોસ્પિટલમાં સારવાર અર્થે ખસેડાયા હતા. જેમાં છકડાના ચાલક પ્રેમાભાઈ તડવીને છકડો આગળના ભાગ થી છૂંદાઇ જતા વધુ ઇજાઓ થઈ હતી.
