રિપોર્ટર: અંકુર ઋષી,રાજપીપળા
નર્મદા એસ.ઓ.જી તથા દેડીયાપાડા પોલીસ વાહન ચેકીંગમાં હતી તે દરમિયાન બે વ્યક્તિઓને ગાંજાના જથ્થા સાથે ઝડપી પાડી કાયદેસર કાર્યવાહી કરી હતી. પ્રાપ્ત માહિતી અનુસાર સુચના ના આધારે પોલીસ ઇન્સપેકટર કે.ડી.જાટ એસ.ઓ.જી, નર્મદા તથા પોલીસ સબ ઇન્સ્પેકટર એ.આર.ડામોર દેડીયાપાડા પો.સ્ટે.તથા એસ.ઓ.જી નર્મદા તથા દેડીયાપાડા પો.સ્ટે.ના સ્ટાફના માણસો કાકરપાડા ગામની સીમમાંથી પસાર થતા સાગબારા થી દેડીયાપાડા જવાના રોડ ઉપર સંયુક્ત વાહન ચેકીંગ દરમ્યાન બાઈક ઉપરથી નૌસાદ કાસમ ખાટીક અને ઝુબેર ન્યાઝૂ પઠાણ બન્ને ને ગાંજો ૧ કિલો ૫૦૦ ગ્રામ કિં.રૂ.૧૫,૭૦૦ તથા મોબાઇલ નંગ-૨ કિ.રૂ.૪૦૦૦ તથા બાઈક કિં.રૂ.૨૦,૦૦૦ મળી કુલ કિં.રૂ.૩૯,૭૦૦ ના મુદ્દામાલ સાથે પકડી મુદ્દામાલ જપ્ત કરી આગળની કાયદેસરની કાર્યવાહી હાથ ધરી છે.
