આણંદમાં પણ પોઝિટિવની સંખ્યામાં વધારો થઈ રહ્યો છે. આજે વધુ એક પોઝિટિવ કેસ નોંધાયો છે. ખંભાતના અલિંગ ચાર રસ્તા પાસે આવેલી મોતીવાળાની ખડકીમાં 53 વર્ષિય દિનેશ રાણા નામના વ્યક્તિનો રિપોર્ટ પોઝિટિવ આવ્યો છે. હાલમાં તે સારવાર અર્થે આણંદ સિવિલ હોસ્પિટલમાં છે. દિનેશ રાણા ખંભાતમાં હલવાસનની દુકાન ધરાવે છે. ખંભાતના એક જ વિસ્તારમાં અત્યાર સુધીમાં કુલ 5 કોરોના પોઝિટિવ કેસો સામે આવ્યા છે. જ્યારે સમગ્ર આણંદ જિલ્લામાં કોરોના પોઝિટિવનો આંકડો 10એ પહોંચ્યો છે.
