શહેરમાં આજે વધુ ત્રણ કેસ નોંધાતા શહેર-જિલ્લામાં કોરોનાના દર્દીની સંખ્યા 43 ઉપર પહોંચી છે. ગત રોજ જે કેસ પોઝિટિવ આવ્યા તેમાંથી 5 તો એવા હતા કે જે રેન્ડમલી કોમ્યુનિટી સેમ્પલના હતા. જેથી શહેરમાં કોરોના વાઇરસ હવે કોમ્યુનિટી ટ્રાન્સમિશનના તબક્કામાં પહોંચી ચુક્યો છે.
વધુ ત્રણ કેસ નોંધાયા
રિગરોડ વિસ્તારમાં માનદરવાજા ટેનામેન્ટમાં રહેતા 60 વર્ષીય નિર્મલાબેન શાંતિલાલ રાણાનો રિપોર્ટ પોઝિટિવ આવ્યો છે. જ્યારે રામપુરામાં રહેતા 42 વર્ષીય મહમ્મદ અમિન અંસારીનો પણ રિપોર્ટ પોઝિટિવ આવ્યો છે. સાથે જ સેન્ટ્રલ ઝોનમાં ગાર્ડન મીલમાં રહેતા 38 વર્ષીય મુબારક પટેલનો પણ રિપોર્ટ પોઝિટિવ આવ્યો છે. જેથી ત્રણેયને કોવિડ હોસ્પિટલ ખસેડવામાં આવ્યા છે. જ્યારે આ ત્રણેયના સંપર્કમાં આવેલા લોકોની તપાસ કરવામાં આવી રહી છે.
