રિપોર્ટર: દિપક જોષી,ગીર સોમનાથ
જિલ્લા રોજગાર વિનિમય કચેરી ગીર સોમનાથ દ્વારા ગીર સોમનાથના રોજગાર વચ્છુ ઉમેદવારો પોતાની ઉત્તમ કારકિર્દીનું ઘડતર કરે તે માટે વિવિધ પ્રવૃતિ કરવામાં આવે છે. ભારતીય સૈન્યની દર વર્ષે ભરતી રેલીનું આયોજન કરવામાં આવે છે. જેમાં ગીર સોમનાથ જિલ્લાનો સારો દેખાવ રહ્યો છે. રોજગાર કચેરી ગીર સોમનાથ દ્વારા “ભારતીય સૈન્યમાં જોડાવા માટે કેવી રીતે શારીરિક અને દસ્તાવેજી તૈયારી કરવી.? વિષય ઉપર આજરોજ બપોરે ૧૨:૦૦ કલાકે ગૂગલ મીટ એપ્લિકેશન દ્વારા વેબિનારનું આયોજન કરવામાં આવેલ છે. જે માટે ગૂગલ મીટ એપ્લિકેશનથી આ ઓનલાઈન વેબીનારમાં જોડાઈ લાભ મેળવી શકાશે. જેનો વધુમાં વધુ યુવાનો લાભ લેવા જિલ્લા રોજગાર અધિકારી ધોળકિયાની યાદીમાં જણાવાયું છે.
