બ્યુરોચીફ: ગૌતમ વ્યાસ,કેવડીયા કોલોની
ભારત સરકાર અને ગુજરાત સરકાર દ્વારા સમયાંતરે નોવેલ કોરોના વાયરસનો ફેલાવો અટકાવવા માટે વિવિધ માર્ગદર્શિકા બહાર પાડવામાં આવેલ છે. અત્રેના જિલ્લામા નાંદોદ અને દેડીયાપાડા તાલુકાઓમાં કોવીડ-૧૯ ના પોઝિટિવ કેસો નોંધાયેલ છે. આ વાયરસના ઝડપી સંક્રમણને ધ્યાને લેતાં લોકોની સુરક્ષા બાબતે તકેદારીના પગલાં તરીકે લોકોની અવરજવર ઉપર પ્રતિબંધ ફરમાવવાની જરૂરિયાત જણાતા નર્મદા જિલ્લાના અધિક જિલ્લા મેજીસ્ટ્રેટ એચ. કે. વ્યાસે તેમને મળેલી સત્તાની રૂએ એક જાહેરનામા દ્વારા નેશનલ ડીઝાસ્ટર મેનેજમેન્ટ એક્ટની કલમ–૩૦ તથા કલમ-૩૪ તેમજ ધી એપેડેમીક ડીસીઝ એક્ટ,૧૮૯૭ ની કલમ–૨ અન્વયે મળેલ સત્તાની રૂએ તા. ૦૨/૦૮/૨૦૨૦ થી તા.૧૫/૦૮/૨૦૨૦ સુધી કેટલાક નિયંત્રણો લાદતો હુકમ કર્યો છે.
તદઅનુસાર, ઉક્ત જાહેરનામામાં દર્શાવ્યા મુજબ રાજપીપલા નગરપાલિકા વિસ્તારના ભાટવાડા, સમ્રાટ કોમ્પલેક્ષની બાજુમાં ધ્રુવિનભાઈ રાકેશભાઈ પટેલના ઘરથી વિનોદભાઈ અંબાલાલ દોશીના ઘર સુધીનો વિસ્તાર જેમાં ઘરોની કુલ સંખ્યા આશરે-૦૨ અને કુલ વસ્તી આશરે-૧૩ તેમજ નાંદોદ તાલુકાનું ભચરવાડા ગામ પટેલ ફળીયું ,રાવજીભાઈ પરસોત્તમભાઈ પટેલના ઘરથી રતિલાલ પરષોત્તમભાઈના ઘર સુધી જેમાં ઘરોની કુલ સંખ્યા આશરે-૦૫ અને કુલ વસ્તી આશરે-૧૬ અને દેડીયાપાડા ગામ વૈકુંઠ ફળિયું,ઉબડીબેન ગીંબાભાઈ વસાવાના ઘરથી તડવી રાજુબેન હર્ષદભાઈના ઘર સુધીનો વિસ્તાર જેમાં ઘરોની કુલ સંખ્યા આશરે-૧૦ અને કુલ વસ્તી આશરે-૪૫ દર્શાવાઈ છે, જેને કોવીડ-૧૯ કન્ટેન્ટમેન્ટ એરિયા તરીકે જાહેર કરાયા છે.
