રિપોર્ટર: રજનીકાંત કોટડીયા,રાજુલા
રાજુલામાં અમરેલી જિલ્લા પુરતું નહીં પરંતુ હવે ત્રણ નવા રૂટ કૃષ્ણનગર, ઓખા, રાજકોટ જવા માટે હવે બસો આવતી કાલથી દોડશે પરંતુ તમામ બસોના સમય બદલાયેલ છે મુસાફરોએ ઓનલાઈન બુકિંગ કરતી વખતે સમય જાણવાનો રહેશે. બસમાં 30 પેસેન્જરો લઇ જવાશે. બસ સ્ટેશનમા સોશ્યલ ડીસ્ટન્સનું ખાસ ધ્યાન આપવામાં આવી રહયું છે.
કોરોના વાયરસના પગલે છેલ્લા ઘણા સમયથી લોકડાઉન હતું ત્યાર બાદ થોડા સમય પહેલાં લોકડાઉન-4માં એસ.ટી.તંત્ર દ્વારા અમરેલી જિલ્લા પૂરતી બસો ચાલવવાની શરૂઆત કરવામાં આવેલ છે. પંરતુ તા.1 જુનથી લોકડાઉન-5 અને અનલોક-1 શરૂ થયેલ છે. જેમાં જિલ્લા બહાર પણ બસો ચલાવવાની છુટછાટ મળતા ઉપર મુજબના રૂટો હાલ પુરતા શરૂ કરવામાં આવેલ છે. જેની નોંધ મુસાફરોએ લેવા ડેપો મેનેજર જીજ્ઞાબેન ગઢવી દ્વારા જણાવવામાં આવેલ છે.
