રિપોર્ટર: રોહિત પટેલ,હળવદ
ભારતીય જનતા પક્ષ હળવદ શહેર અને ગ્રામ્ય દ્વારા તાજેતરમાં નિમણૂક પામેલ હળવદ શહેર અને ગ્રામ્ય ભાજપના નવનિયુક્ત પ્રમુખ મહામંત્રીઓનો સત્કાર કાર્યક્રમ યોજાયો હતો. જેમાં હળવદ શહેર અને ગ્રામ્ય ભારતીય જનતા પક્ષના કાર્યકરો અને વિવિધ શૈક્ષણિક અને સામાજિક સંસ્થાઓના આગેવાનોએ નવનિયુક્ત પદાધિકારીઓને ફૂલ ના હાર અને મોં મીઠા કરાવી અને ઉત્સાહભેર આવકાર્યા હતા. તાજેતર માં જ હળવદ શહેર ભાજપ પ્રમુખ તરીકે કેતનભાઈ દવે અને હળવદ ગ્રામ્ય ભાજપ પ્રમુખ તરીકે વાસુદેવભાઈ સીણોજીયાની નિમણૂક થઈ છે જ્યારે હળવદ શહેર ભાજપ મહામંત્રી તરીકે સંદીપભાઈ પટેલ અને રમેશભાઈ ભગતની નિમણૂક થઈ છે અને ગ્રામ્ય ભાજપ મહામંત્રી તરીકે નરેન્દ્રસિંહ રાણા અને સંજયભાઈ ઠાકોરની નિમણૂક થઈ છે ત્યારે આજરોજ હળવદની સરા ચોકડી ખાતે નવનિયુક્ત પદાધિકારીઓનું હાજર કાર્યકરો અને આગેવાનો દ્વારા ફુલહાર ખેસ પહેરાવી અને ફટાકડા ફોડી ઢોલ નગારા ના તાલે નવી જવાબદારી બદલ સ્વાગત અને સન્માન કર્યું હતું
