રિપોર્ટર: પાયલ બાંભણિયા,ઊના
ઉના શહેરમાં તસ્કરો સક્રિય થઇ ગયા છે. શહેરમાં દેલવાડા રોડ પર અરજણભાઇ રાજાભાઇ ગોહિલ પોતાનું મકાન ગત તા.૨૮/૬/૨૦૨૦ના રોજ બંધ કરી ગયા હતા. આજે સવારે પરત આવતાં મુખ્ય દરવાજાનો નકુચો અને તાળા તૂટેલા હતા. ઘરમાં રૂમમાં રાખેલ લોખંડના કબાટમાં રાખેલ રૂ.૭૦ હજાર રોકડા તથા સોનાના દાણા, ઓમકાર, વીંટી, ચાંદીના છડા, ચાંદીની કડલી, ચાંદીનો ઝુડો મળી રૂ.૩૮૦૦૦ દાગીના કુલ કુલ રૂ.૧,૦૮,૦૦૦ ની કિંમતની ચોરી થયાની ઉના પોલીસમાં ફરિયાદ નોંધાવાતા પી.એસ.આઇ એચ.વી.ચુડાસમા તથા સ્ટાફ ઘટના સ્થળે પહોંચી તસ્કરોના સગડ મેળવવા ડોગ સ્કવોડ તથા એફ.એસ.એલ, ફિંગર પ્રિન્ટ વાળાને બોલાવી તપાસ હાથ ધરી છે.
