રિપોર્ટર: ગૌતમ વ્યાસ,કેવડિયા કોલોની
હાલ લોકડાઉન માંથી થોડીક હળવી થયેલી નર્મદા પોલીસ દારૂ જુગાર સહિત ના ગુનાઓ માટે બાઝ નજર રાખતી હોઈ એક બાદ એક જુગાર ના અડ્ડાઓ ની બાતમી મળતા છાપો મારે છે જેમાં ગતરોજ આમલેથા પોલીસે નાંદોદ તાલુકાના ભુછાડ ટેકરી ખાતે રેડ કરતા ખેતરમા જુગાર રમતા પાંચ જુગારીયાઓ માં(૧)ધર્મેશ અરવિંદ ભાઇ વસાવા(૨)પ્રકાશ અમરસિંગ ભાઇ વસાવા (૩) રણજીત રતીલાલભાઇ વસાવા તેમજ (૪)નભુપત અરવિંદ ભાઇ વસાવા,તમામ રહે.ભુછાડ ટેકરી ને ઝડપી દાવ પરના રોકડા રૂપિયા ૨૦૦૦/- અંગ ઝડતી માથી મળેલ રોકડા રૂપિયા ૩૨૦૦/- મળી કૂલ રોકડા રૂપિયા ૫૨૦૦/- તથા મોબાઇલ નંગ-૫ કિંમત રૂપિયા ૭૫૦૦/-તથા મોટર સાયકલ નંગ-૩ કિંમત રૂપિયા ૪૫૦૦૦/-મળી કૂલ કિંમત રૂપિયા ૫૭૭૦૦/-મુદ્દામાલ કબ્જે કર્યો હતો જ્યારે રેડ દરમિયાન વિજય સોમાભાઇ વસાવા,રહે.વાઘેથા,નાંદોદ નાશી જતા તેની શોધખોળ કરી કાયદેસર કાર્યવાહી કરી છે.
