રિપોર્ટર: રોહિત પટેલ,હળવદ
સ્થાનિક સ્વરાજ્યની ચૂંટણીને લઇ ભાજપ કોંગ્રેસ સહિતના પક્ષના ઉમેદવારો ફોર્મ ભરી રહ્યા છે ત્યારે હળવદમાં આવતી પાંચ જિલ્લા પંચાયત અને વીસ તાલુકા પંચાયતની સીટ પર પણ આજથી ફોર્મ ભરવાનું ચાલુ થઈ ગયું છે. જેમાં સાપકડા જીલ્લા પંચાયત બેઠકના કોંગ્રેસના ઉમેદવાર તેમજ સાપકડા જિલ્લા પંચાયત હેઠળ આવતી ચાર તાલુકા પંચાયતના ઉમેદવારોએ ફોર્મ ભર્યા હતા. મોરબી જિલ્લા પંચાયત બેઠકના ઉમેદવાર હેમાંગભાઈ ભુપતરાય રાવલ તેમજ કવાડીયા તાલુકા પંચાયત બેઠકના ઉમેદવાર વિજયભાઈ વાલજીભાઈ કોળી, સાપકડા તાલુકા પંચાયત બેઠકના ઉમેદવાર મહિપાલસિંહ રાજેન્દ્રસિંહ ઝાલા, માલણિયાદ તાલુકા પંચાયત બેઠકના ઉમેદવાર ભરતભાઇ ગોરધનભાઈ કણઝારીયા અને રણમલપુર તાલુકા પંચાયત બેઠકના ઉમેદવાર ભીખુબેન ગોવિંદભાઈ નગવાડીયાએ આજે ફોર્મ ભર્યા હતા આ તકે ઉમેદવારોના સમર્થકો મોટી સંખ્યામાં હાજર રહ્યા હતા.
