રિપોર્ટર: મહેન્દ્ર સોલંકી,વડોદરા
વડોદરા શહેરનાં છાણી વિસ્તારમાં વીજ કરંટ લાગવાથી ૫૬ વર્ષીય પુરુષનું મોત નીપજયું હોવાની ઘટના સામે આવી છે. વડોદરા શહેરના છાણી વિસ્તારમાં આવેલા ભાથુજી નગરમાં રહેતા ૫૬ વર્ષીય ભાઈલાલ ભાઈ પરમારને પોતાના ઘરે સ્વીચબોડૅ માંથી વીજ કરંટ લાગતા તેઓ ઘટના સ્થળે જ બેભાન થઈ ગયા હતા. જેથી તેઓને તાત્કાલીક સારવાર અર્થે ૧૦૮ એમ્બ્યુલન્સ મારફતે નજીકની હોસ્પિટલે ખસેડવામાં આવ્યા હતા. જ્યાં તબીબે તેમને મૃત જાહેર કર્યા હતા. આ બનાવ સંદર્ભે પોલીસે અકસ્માતે મોતનો બનાવ નોંધી કાગળો તૈયાર કરી કાયદેસરની કાર્યવાહી હાથ ધરી હતી.
