બ્યુરોચીફ: ગૌતમ વ્યાસ,કેવડીયા કોલોની
મળતી માહિતી મુજબ આજરોજ ૯મી ઓગસ્ટના દિવસે પુરા દેશમાં વિશ્વ આદિવાસી દિવસની ઉજવણી થઈ રહી છે ત્યારે નર્મદા જિલ્લાના કેવડિયા તથા વાગડિયા ગામ ખાતે વિશ્વ આદિવાસી દિવસની ઉજવણી કરવામાં આવી હતી જેમાં ગામલોકોએ ભેગા થઈને વૃક્ષારોપણનો કાર્યક્રમ કર્યો હતો નર્મદા જિલ્લાના કેવડીયા ગામે આવેલી હેલીપેડ ટેકરી ઉપર આદિવાસી સમાજના આગેવાન ડોક્ટર પ્રફુલ ભાઈ વસાવા ના અધ્યક્ષ સ્થાને ભૂમિ પૂજન કરવામાં આવ્યું હતું તેમજ વૃક્ષારોપણ કરવામાં આવ્યું હતું.
આ કાર્યક્રમમાં ગામલોકોએ ઉત્સાહ પૂર્વક ભાગ લીધો હતો તેમજ કેવડિયા કોલોની ખાતે આવેલી ડોક્ટર બાબા સાહેબ આંબેડકરની પ્રતિમાને ફુલહાર અર્પણ કરી આદિવાસી એકતા જીંદાબાદ તથા જય આદિવાસી ના નારા લગાવ્યા હતા જેને લઇને સમગ્ર કેવડીયાકોલોની શહેર આદિવાસી એકતા જીંદાબાદ ના નારા સાથે ગુંજી ઉઠ્યું હતું આ કાર્યક્રમમાં કેવડીયા ગામના આગેવાનો દિલીપભાઈ જશવંતભાઈ નટુભાઈ રતિલાલ ભાઈ નરેશભાઈ સંજયભાઈ શંકરભાઈ મનોજભાઈ અરવિંદભાઈ સાથે ગામની મહિલાઓ પણ મોટી સંખ્યા માં જોડાઈ હતી.
