બ્યુરોચીફ: દિપક જોષી,ગીર સોમનાથ
તાલાલા ગીર ના પાટનગર તાલાલા શહેરમાં તાલાલા તાલુકા પત્રકાર સંઘ આયોજિત મહારક્તદાન કેમ્પ જશુભાઇ ધાનાભાઇ બારડ આહીર સમાજ માં યોજાયો હતો.સાસણગીર રાઘવેન્દ્ર આશ્રમના મહંત પૂજ્ય પાત બિમલ દાસ બાપુના શુભ હસ્તે દીપ પ્રાગટ્ય સાથે શુભારંભ થયેલ આ માનવ સેવાયજ્ઞમાં ઝરમરતા વરસાદ વચ્ચે 133 રકતદાતાઓએ ઉમળકાભેર રક્તદાન કરીને અભૂતપૂર્વ સફળતા અપાવી હતી.
અમદાવાદ સિવિલ બ્લડ બેંક ના લાભાર્થે યોજાયેલા રક્તદાન કેમ્પ ના રક્તદાતાઓને પ્રોત્સાહિત કરવા ગીર પંથકના ધારાસભ્ય ભગવાનભાઇ બારડ , ગીર સોમનાથ જિલ્લા ભા.જ.પ મહામંત્રી મહેન્દ્રભાઈ પિઠીયા, તાલાલા તાલુકા ભારતીય કિસાન સંઘના પ્રમુખ ભરતભાઈ સોજીત્રા શહેર ભાજપ પ્રમુખ વિજયભાઈ ઠાકર મહામંત્રી રવજીભાઈ કણસાગરા પૂર્વ તાલુકા પંચાયત પ્રમુખ ડાયાભાઇ વઘાસીયા નાયબ ઈજનેર ધવલ સિંહ પરમાર સહિત વિવિધ સમાજના રાજકીય અને સામાજિક સંસ્થાના અગ્રણીઓ શહેરના તબીબો ઉપસ્થિત રહ્યા હતા રક્તદાન કેમ્પમાં આવેલ તમામ લોકોનું ગેટ ઉપર ટેમ્પરેચર ગન દ્વારા ચેકિંગ કરી પ્રવેશ આપવામાં આવ્યો હતો. આ સેવાયજ્ઞમાં લોકો સ્વયંભૂ સહભાગી થયા પત્રકાર સંઘ આયોજિત યોજાયેલા આ સેવાયજ્ઞમાં આહિર સમાજ, તાલાલા તાલુકા શિક્ષક સંઘ, આરોગ્ય વિભાગ ઉપરાંત અનેક લોકો સેવાયજ્ઞ ના સહભાગી થયા.
તાલાલા તાલુકા પત્રકાર સંઘ આયોજિત માનવ કલ્યાણના કાર્યક્રમથી પ્રભાવિત સિનિયર સિટીઝન મંડળે પત્રકારોનું સન્માન કર્યું હતું મંડળના પ્રમુખશ્રી ડો. કરશનભાઈ પટેલ સહિતના પદાધિકારીઓએ પત્રકારોને પ્રથમ જ્યોતિર્લિંગ સોમનાથ મહાદેવ મંદિર છબી અર્પણ કરી હતી.
