રિપોર્ટર: અંકુર ઋષી,રાજપીપલા
રાજપીપળા : લોકડાઉન હળવું થતાંજ નર્મદા જિલ્લામાં અકસ્માતો માં વધારો જોવા મળી રહ્યો છે ત્યારે ગત સાંજે રાજપીપળા આદર્શ નિવાસી શાળા પાસે ઉભેલી એક હાઈવા ટ્રક ની પાછળ પોતાની મો.સા.અથાડનાર ચાલાક નું ઘટના સ્થળે જ મોત થયું હતું.
પ્રાપ્ત માહિતી અનુસાર ગરુડેશ્વર તાલુકાના નાની રાવલ ગામના હર્ષદભાઇ વેચાભાઇ તડવી ગત સાંજે પોતાની મો.સા.નંબર GJ 01 PG 5224 ની બેફામ હંકારી આવતા હતા ત્યારે રાજપીપળા આદર્શ નિવાસી શાળા પાસે ઉભેલી હાઈવા ટ્રક નંબર GJ 10 Z 5073 ને પાછળ ના ભાગે પોતાની મોટર સાયકલ ઘુસાડી દેતા આ અકસ્માત સર્જાયો હતો. આ અકસ્માતમાં તેમને માથાના ભાગે ગંભીર ઇજા થતા ઘટના સ્થળેજ તેમનું મોત થયું હતું. આ બાબતે તેમના પુત્ર આકાશ તડવી એ રાજપીપળા પો.સ્ટે. માં ફરિયાદ આપતા પોલીસે મરનાર હર્ષદભાઈ તડવી ગુનો નોંધી તપાસ હાથ ધરી છે.
