રિપોર્ટર: અંકુર ઋષી,રાજપીપલા
દેડીયાપાડાના થપાવી ગામ નજીક હાઈવે રોડ પાસે તળાવ નજીક આંબાના ઝાડ નીચે જુગારીઓ જુગાર રમતા હોવાની ડેડીયાપાડા પોલીસને બાતમી મળતા રેડમાં 6 ખેલીઓને 53,800/- ના મુદ્દામાલ સાથે ઝડપી પાડ્યા હતા. જયારે 2 જુગારીયાઓ ફરાર થઈ ગયા હતા.
પ્રાપ્ત વિગત અનુસાર દેડીયાપાડાના થપાવી ગામ નજીક હાઈવે રોડ પાસે તળાવ નજીક આંબાના ઝાડ નીચે કેટલાક જુગારીઓ જુગાર રમતા હોવાની બાતમી પગલે દેડીયાપાડા પોલીસ મથકના પોલીસ સબ ઇન્સ્પેક્ટર એ.આર.ડામોર એ રેડ કરતા ત્યાંથી જુગાર રમતા
( ૧ ) શબ્બીરભાઇ બાબુભાઇ વીરાણી રહે – માર્કેટ યાર્ડ ફળીયા દેડીયાપાડા, ( ૨ ) વિનોદ ભાઇ પ્રભાકરભાઇ ખેરનાર રહે – દેડીયાપાડા શાંતીનગર ચાર રસ્તા ( 3 )બીપીનભાઇ મગનભાઇ વસાવા રહે – દેડીયાપાડા ચાર રસ્તા( ૪ ) વિનેશભાઇ અમરસીંગભાઇ વસાવા રહે – બંગલા ફળીયા દેડીયાપાડા( ૫ ) દીલીપભાઇ ધનરાજભાઇ શાહ રહે – અંકલેશ્વર મેઇન રોડ નેત્રંગ ,જી – ભરૂચ તથા( ૬ ) ડાહ્યા ભાઇ રામાભાઇ માછી રહે – શાંતીનગર નેત્રંગ, જી – ભરૂચ ને જુગાર રમતા ઝડપી પડ્યા હતા જયારે 2 જુગારીયાઓમાં દીલીપભાઇ શંકરભાઇ પારધી રહે – દેડીયાપાડા લીમડા ચોક તથા પીતાંબરભાઇ દીપાભાઇ પારધી રહે – નવીનગરી દેડીયાપાડા ફરાર થઈ ગયા હતા. જુગારીઓ પાસેથી દાવ પરના રોકડા રૂ. 1900/- , અંગઝડતીના રૂ. 21900/- મોબાઈલ નંગના રૂ. 2000/- તથા મોટર સાયકલ રૂ. 3000/- મળી કુલ રૂ. 53800/- ના મુદ્દામાલ સાથે ઝડપી પાડી તમામ વિરુદ્ધ જુગારધારા હેઠળ ફરિયાદ નોંધી તપાસ હાથ ધરી છે.
