રિપોર્ટર: રજનીકાંત કોટડીયા,રાજુલા
રાજુલા ટાઉન પોલીસે ગઇકાલે શહેરના ડોળીના પટેથી પથ્થરની ખાણના રસ્તે તેમજ ખોડીયાર મંદિરની બાજુમાં બે સ્થળે જુગાર રેડમાં કુલ ૭ શખ્સો રૂા.૧૦ હજારના મુદ્દામાલ સાથે ઝડપાઇ જવા પામ્યા હતાં.ડોળીના પટ પાસેના જુગાર દરોડા વખતે ૬ શખસો ભાગી છુટવામાં સફળ રહ્યા હતાં.ગઇકાલે રાજુલામાં ડોળીના પટથી પથ્થરની ખાણે જવાના રસ્તે જુગાર રમાતો હોવાની બાતમીના આધારે હેડ કોન્સ. ધનસુખભાઇ ઠાકરશીભાઇ, કો.જાવેદભાઇ, રાજુભાઇ, અનિરૂધ્ધસિંહ વગેરેએ સ્થળે ત્રાટકતા ત્યાં જુગાર રમી રહેલા ૯થી ૧૦ શખસો પૈકી મહમદ હનીફ ચોપડા, ફારૂક સતાર સાખાણી અને અફઝલ અબ્દુલ ચોપડા કુલ રૂા.૫,૩૮૦ના મુદ્દામાલ સાથે પકડાઇ ગયા હતાં. જયારે રફિક બાબુ શેખડા, પીલ્લુ અબદુલ શેખડા, અસ્લમ રઝાક ચોટલીયા, ઇરફાન હારૂન સાખાણી, હશન હાજી કલાલીયા અને ઇરફાન ઇસ્માઇલ કાબરીયા વગેરે ૬ શખસો છટકી જવા પામ્યા હતાં. આ ૬એ શખસોને પકડી પાડવા ચક્રો ગતીમાન કરાયા હતાં. જયારે ખોડીયારનગરમાં ખોડીયાર માતાજીના મંદિર પાસે જુગાર રમાતો હોવાની બાતમીના આધારે કનુભાઇ જીલુભાઇ અને સ્ટાફ દ્વારા રેડ કરવામાં આવતા વાહીદશા અકબરશા કનોજીયા, લાલજી નટુભાઇ મુજાણી, લાલજી ડાયાભાઇ કાછડ અને યોગેશ રામજી ઝીંઝાડીયા ૪ શખસોને કુલ રૂા.૩૪૨૦ના મુદ્દામાલ સાથે ઝડપી લઇ ધોરણસરની કાર્યવાહી હાથ ધરવામાં આવી હતી.
