રીપોર્ટર – ગોવિંદ હડિયા, કેશોદ, જુનાગઢ
અવારનવાર થતાં અકસ્માતો અંગે અનેક વખત લેખીત મૌખિક રજુઆતો છતાં પ્રશ્ન હલ ન થતાં કેશોદના કોયલાણા ડીવાઈડર સર્વિસ રોડ ઓવરબ્રીજની માંગ સાથે આવેદનપત્ર આપી બે દિવસ બાદ સાતેક ગામોના લોકો ઉપવાસ આંદોલન કરશે. જરૂર જણાયે ઉગ્ર આંદોલન રોડ ચક્કાજામ કરવાની પણ ચિમકી ઉચ્ચારી છે. જેતપુર-સોનામ નેશનલ હાઈવેના કોયલાણા ગામ નજીકના ભાગે કેશોદ તાલુકાના પાણખાણ એપ્રોત્ર રસ્તો ટચ થાય છે આ પાણખાણ એપ્રોચ રસ્તાનો કાયમી ઉપયોગ કોયલાણા પાણખાણ સહીત પાંચથી વધુ ગામો સહીત કેશોદ માંગરોળના તાલુકાના ગામોના લોકો વાહન વ્યવહાર કરે છે. કોયલાણા ગામેથી પસાર થતો જેતપુર સોમનાથ નેશનલ હાઈવેનું નિર્માત્ર અંદાજે વર્ષ ૨૦૧૫ માં કરવામાં આવેલ છે. જયારે આ નેશનલ હાઈવેનુ કામ શરૂ હતુ ત્યારે આ વિસ્તારના તમામ સરપંચશ્રીઓ ગ્રામ્ય આગેવાનો વાહન ચાલકો અને જાહેર જનતા ધ્વારા સર્વિસ રોડ ડીવાઈડર કે ઓવરબ્રીજ આપવા લેખીત મૌખિક રજુઆતો કરેલ હતી તેમ છતા કોઈ જાતનું નીરાકરણ કરેલ નથી જેથી છેલ્લાં સાતેક વર્ષમાં પંદરથી વીસ લોકોના અકસ્માતમાં મૃત્યું પામ્યાંછે અને વીસથી પચ્ચીસ લોકો અકસ્માતથી કાયમી અંપગતતાનો ભોગ બન્યા છે. આ બાબતે અમોએ આ વિસ્તારના પ્રતિનીધીઓને પણ અવાર નવાર લેખીત અને મૌખીક રજુઆતો કરી પ્રતીનીધીઓને સ્થળની રૂબરૂ મુલાકાત કરાવી વાસ્તવિક પરિસ્થિતીઓથી વાકેફ કરેલ છે. વારંવારની રજુઆતનું માત્રને માત્ર આશ્વાસન મળેલ છે. પરંતુ જીવલેણ પ્રાણ પ્રશ્નનો કોઈ નક્કર ઉકેલ કે નિર્ણય થયેલ નથી જેવી રજુઆત સાથે ડે. કલેકટર અને મામલતદારને આવેદનપત્ર આપ્યું હતું. આવેદનપત્રમાં એવુ પણ જણાવ્યું હતું કે આ પ્રશ્ને આગામી પંદર તારીખથી આશરે સાતેક ગામના લોકો ઉપવાસ ઉપર બેસવાનાછે તેમજ આ વિસ્તારની જાહેર જનતા આગેવાનો ગાંધી ચિંધ્યા માર્ગે ઉગ્ર આંદોલન જરૂર જણાયે રસ્તા રોકો આંદોલન કરવામાં આવશે તેવી ચિમકી પણ ઉચ્ચારી છે.
