રિપોર્ટર: રાજેશ ભટ્ટ, તાલાલા
તાલાલા શહેરમાં ઉદાસીન આશ્રમના પાવન પરિસરમાં આવેલ બ્રહ્મેશ્વર મહાદેવ મંદિરમા જગ્યાના મહંત પુ.પા. શ્રી ગણેશમુની બાપુની ઉપસ્થિતિમાં મંદિરમાં પૂનમ ઉત્સવ ઉજવાયો હતો.આ પ્રસંગે આશ્રમના બ્રહ્મલીન મહંત પુ.સોભરનદાસ બાપુના મંદિરમાં 501 દીપમાળાની મહાઆરતી યોજાઇ હતી. ત્યારબાદ સાંજે હનુમાન ચાલીસાના પાઠ તથા સત્યનારાયણ ભગવાનની કથા યોજાઇ હતી. જગ્યાના મહંત પ.પૂ.શ્રી ગણેશ મુની બાપુ એ મંદિરમાં દર શનિવાર અને મંગળવારે હનુમાનજીના પાઠના ધાર્મિક કાર્યક્રમ કરવા આયોજનની જાહેરાત કરી હતી. જેને ભાવિકોએ વધાવી લીધી હતી. પૂનમ ઉત્સવમાં વિશાળ સંખ્યામાં ભાવિકોએ સાંજે સમૂહ પ્રસાદ લીધો હતો.
