રિપોર્ટર: નિમેષ સોની,ડભોઇ
ડભોઇ તાલુકાની વેગા ચોકડી પાસે આવેલ રિલાયન્સ પેટ્રોલ પંપ નજીક આગળ ચાલતી એક ફોર વ્હીલર ગાડીના ડ્રાઈવરે બ્રેક મારતા પાછળ આવતી ત્રણ ટ્રક અને એક પીકપ ટેમ્પો એકબીજા સાથે ધડાકાભેર અથડાયા હતા અને ગમ્ખવાર અકસ્માત સર્જાયો હતો. અકસ્માતમાં બે વ્યક્તિઓનો આબાદ બચાવ થવા પામ્યો હતો. અકસ્માતમાં ફસાયેલા લોકોને બહાર કાઢવા માટે ક્રેઈન અને સ્થાનિક લોકોની મદદ લેવામાં આવી હતી. બનાવના સ્થળે પોલીસ તંત્ર પહોંચી જતાં ટ્રાફિકની સમસ્યા હળવી કરવામાં આવી હતી. અકસ્માતમાં બે લોકોનો આબાદ બચાવ થવા પામ્યો હતો. સદર ડભોઇ વેગા ચોકડી પાસે કાયમ માટે ઓવર લોડીંગ કરેલી રેતીની ટ્રકોના ડ્રાઇવરો ટ્રકો બેફામ રીતે હંકારતા હોય છે. જેના કારણે નાની સરખી ભૂલથી મોટા અકસ્માતો સર્જાય છે. અને પ્રજાજનોને જાનનું જોખમ રહે છે.
