નર્મદા જિલ્લા વહીવટી તંત્રની ઉમદા કામગીરી બદલ બેસ્ટ એવોર્ડ મળતા સમસ્ત વૈષ્ણવ વણિક સમાજે નર્મદા કલેક્ટર ને અભિનંદન પત્ર પાઠવ્યો.

રિપોર્ટર: અંકુર ઋષી,રાજપીપળા

હાલમાં જ નર્મદા જિલ્લા વહીવટી તંત્રને ઉમદા કામગીરી બદલ બેસ્ટ ટુરિઝમ ઇનીસિ- એટિવ એવોર્ડ પ્રાપ્ત થયો હોય જે જિલ્લા માટે ગૌરવ ની બાબત છે ત્યારે આ સન્માન બદલ ઠેર-ઠેર થી વહીવટી તંત્રને અભિનંદન મળ્યા હોય જેમાં સમસ્ત વૈષ્ણવ સમાજ,રાજપીપળા એ પણ નર્મદા કલેક્ટર મનોજ કોઠારી સાહેબ ને આ એવોર્ડ બદલ અભિનંદન પત્ર પાઠવ્યો હતો.

જેમાં સમગ્ર વહીવટી તંત્રની ખુબજ ઉમદા કામગીરી કરવા બદલ Gujarat Tourism’s Gujarat Travel and Tourism Excellence Award 2020 for “BEST TOURISM INITIATIVE” મળવા બદલ “સમસ્ત વૈણિવ વણિક સમાજ રાજપીપળા તરફથી ખુબ ખુબ અભિનંદન. સમગ્ર નર્મદા જિલ્લા માટે આપે આપના કાર્યકાળ દરમ્યાન ખુબજ નિષ્ઠા અને ખંત પૂર્વક સેવા ના ભાગરૂપે આપની ફરજ નિભાવી છે જે સમગ્ર જિલ્લા માટે ખરેખર ગૌરવ લેવા જેવી બાબત છે આવનાર સમયમાં આપના જાહેર જીવન તથા અંગત જીવનમાં ઉત્તરોત્તર પ્રગતિ કરો તેવી પણ શુભેચ્છાઓ સમસ્ત વૈષ્ણવ સમાજે પત્રમાં વ્યક્ત કરી હતી.