સમગ્ર ભારતમાં અત્યારે લોકડાઉનના કારણે તમામ રેલવે, બસ અને અન્ય કેટલાક વાહન વ્યવહારના સાધનો બંધ છે. માત્ર મામલતદાર કચેરી દ્વારા પરવાનગીનો પાસ મળેલ વાહનો જ લોકડાઉનમાં ટ્રાન્સફરનું કામ કરી શકે છે. વડોદરા રેલવે સ્ટેશન જે રાત દિવસ ધમ ધમી ઉઠતું હતું એ અત્યારે સુમસાન અવસ્થાનમાં પડ્યું છે. તેવામાં વડોદરા રેલવે પ્લેટફોર્મની સાફસફાઈ પૂરજોશમાં ચાલી રહી છે. જેમાં બાંકડાઓને ધોઇને સ્વચ્છ કરવામાં આવી રહ્યા છે તેમજ સમયાંતરે સેનેટાઇઝેશન પણ કરાય છે.
